Konferenza nazzjonali minn Aġenzija Sapport
Data: 2 ta’ Diċembru 2025
Post: Villa Arrigo, Naxxar
Ħin: 08:00 – 14:30
Konferenza nazzjonali
Aġenzija Sapport għandha l-pjaċir tħabbar il-konferenza nazzjonali Ħajti: Żvilupp ta’ Qafas Nazzjonali għal Sapport Individwalizzat Matul il-Ħajja għall-Persuni b’Diżabilità, li ser iġġib flimkien esperti lokali u barranin għal diskussjoni dwar l-iżvilupp u l-implimentazzjoni ta’ pjanijiet ta’ sapport individwalizzat (ISPs) għall-persuni b’diżabilità.
Din il-konferenza hi intenzjonata sabiex toħloq pjattaforma għal djalogu li tispira tibdil kif pjanijiet ta’ sapport individwalizzat jiġu żviluppati u applikati tul il-ħajja ta’ persuni b’diżabilità. Il-konferenza ser titfa’ dawl fuq l-importanza ta’ kollaborazzjoni bejn il-professjonisti minn diversi setturi – is-soċjal, l-edukazzjoni, u s-saħħa – sabiex ikun assigurat li l-pjanijiet ta’ sapport jibqgħu dinamiċi, ibbażati fuq evidenza, u li jindirizzaw il-bżonnijiet tal-persuni b’diżabilità.
Il-parteċipanti ser jibbenefikaw minn plenarji u panel ta’ diskussjoni, kif ukoll testimonjanzi ta’ persuni b’diżabilità kif ukoll familjari, li ser joffru kemm perspettiva professjonali kif ukoll esperjenzi.
Il-konferenza ser tkun primarjament bil-Malti, b’interventi bl-Ingliż minn kelliema internazzjonali. Ser ikun provdut servizz ta’ traduzzjoni.
Min għandu jattendi:
-
Professjonisti li jaħdmu fl-oqsma soċjali, edukattivi u tas-saħħa, fost l-oħrajn
-
Persuni b’diżabilità
-
Familjari u rappreżentanti ta’ persuni b’diżabilità
KIF TIRREĠISTRA:
Parteċipazzjoni f’din il-konferenza hi mingħajr ħlas iżda reġistrazzjoni hi neċessarja.
Imla l-Formola ta’ Reġistrazzjoni online aċċessibbli mill-ħolqa hawn taħt.
Reġistrazzjoni hi miftuħa sal-Ġimgħa 7 ta’ Novembru.
Programm preliminari
Reġistrazzjoni
Indirizz tal-ftuħ
Onor. Julia Farrugia, Ministru tal-Inklużjoni u l-Volontarjat
Sapport individwalizzat tul il-ħajja
Oliver Scicluna – Kap Eżekuttiv, Aġenzija Sapport
Plenarju
Estelle Houtart – Policy Assistant, European Association of Service Providers for Persons with Disability
Mistoqsijiet moderati
Waqfa għall-kafè
Plenarju
Theresa Shearer – Chief Executive Office, Enable Scotland
Diskussjoni
Nindirizzaw in-Nuqqasijiet: Lejn pjan individwalizzat li jiffoka fuq il-bżonnijiet kollha tal-persuna tul il-ħajja
Mistoqsijiet moderati
Konklużjoni
Bibita