SERVIZZI

Il-Helpline ta' Aġenzija Sapport – Freephone 153 hi maħsuba għal persuni b’diżabilità u l-familjari tagħhom biex dawn ikunu jistgħu jikkuntattjaw lil Aġenzija Sapport meta jkollhom bżonn xi servizz mingħand l-Aġenzija.

Il-Blue Badge tippermetti lis-sidien tagħha jipparkjaw il-vettura li jkunu qegħdin fiha f’postijiet ta’ parkeġġ komunali riservat għal dawk li għandhom Blue Badge

Persuni b’diżabilità jistgħu japplikaw għall-Karta Ewropea tad-Diżabilità ma’ Aġenzija Sapport.

It-tim tal-Intake huwa l-ewwel punt ta’ kuntatt għal kull min jixtieq jitlob servizzi offruti fi ħdan Aġenzija Sapport.

Fit-tim tal-Ħidma Soċjali, il-Ħaddiema Soċjali jaħdmu mal-persuni b’diżabilità u mal-familji/gwardjani tagħhom, biex joffru sapport fir-rigward tat-tħassib tagħhom b’mod sħiħ u effettiv.

My Programme joffri sapport ibbażat fil-komunità lill-persuni b’diżabilità u lill-familji tagħhom f’Malta u Għawdex.

L-għan tas-Servizzi ta’ Matul il-Jum huwa li jgħinu lill-persuni b’diżabilità jkomplu jiżviluppaw il-potenzjal tagħhom permezz ta’ diversi tipi ta’ attivitajiet, filwaqt li jipprovdu sapport lill-familji tagħhom sabiex dawn il-persuni jkunu jistgħu jkomplu jgħixu fil-komunità mingħajr ma jiġu esklużi mis-soċjetà jew jiddaħħlu f’xi istituzzjoni.

Is-Servizz Supported Independent Living jippermetti lill-persuni b’diżabilità jgħixu ħajja kemm jista’ jkun indipendenti fil-komunità.

L-għan primarju ta’ din l-iskema huwa li tipprovdi għajnuna finanzjarja (sussidju) lill-familji, sabiex ikunu jistgħu jimpjegaw assistent personali tal-għażla tagħhom.

L-iskema tipprovdi sussidju finanzjarju biex tippermetti lil individwi eliġibbli jimpjegaw assistenti personali li jgħinuhom iwettqu attivitajiet ta’ kuljum, u b’hekk tiffaċilita ħajja indipendenti u tnaqqas id-dipendenza fuq kura istituzzjonali jew fil-familja.

Il-Professional Advisory Prevention Team (PAPT) jipprovdi appoġġ lil individwi b'diżabilità billi jindirizza imġiba ta' tħassib u kwistjonijiet relatati mas-sesswalità, permezz ta' konsultazzjonijiet, sessjonijiet ta' taħriġ, u appoġġ individwali.

Is-Service Providers’ Monitoring Team fi ħdan Aġenzija Sapport hu responsabbli għall-implimentazzjoni u l-ġestjoni tal-kuntratti tas-Sħubijiet Pubbliċi-Soċjali (PSPs) bejn l-Entitajiet Nongovernattivi (NGO) u l-Ministeru għall-Inklużjoni u l-Volontarjat (MIV).

L-għan ewlieni tat-terapija okkupazzjonali hu li tgħin lill-persuni jipparteċipaw fl-attivitajiet tal-ħajja ta’ kuljum.

Iċ-Ċentru Sonia Tanti Taqsima Ħajja Indipendenti joffri appoġġ, informazzjoni u gwida lill-persuni b’diżabilità u lill-familji tagħhom biex jgħixu ħajja indipendenti fil-komunità.

L-Access to Communication and Technology Unit (ACTU) joffri servizzi lill-individwi li għandhom bżonnijiet ta’ komunikazzjoni ta’ natura kumplessa, diffikultajiet fiżiċi u/jew sensorjali, bżonnijiet ta’ assistenza biex jitkellmu, tal-lingwa u tal-komunikazzjoni, u/jew diżabilitajiet fit-tagħlim, u lill-familji tagħhom.

Aġenzija Sapport toffri servizz ta’ Interpretazzjoni tal-Lingwa tas-Sinjali lil individwi neqsin mis-smigħ li jużaw il-Lingwa tas-Sinjali Maltija (LSM).

The Deaf & Hard of Hearing service provides information, and guidance to support access for persons with hearing loss.

Sharing Lives joffri opportunitajiet fejn voluntiera flimkien ma’ persuni b’diżabilità jaqsmu esperjenzi, joħolqu interazzjonijiet soċjali, jagħmlu ħbieb ma’ persuni oħra b’diżabilità u jmexxu u/jew jipparteċipaw fil-kreazzjoni ta’ proġetti u attivitajiet.

It-Taqsima SkillUp toffri programmi maħsuba biex jappoġġjaw persuni b’diżabilita, bl-għan li jtejbu l-kwalita tal-ħajja tagħhom u jippromwovu l-inklużjoni tagħhom fl-aspetti kollha tas-soċjeta.

Is-Servizz tal-Youth Work jipprovdi ambjent sikur, inklużiv u li jagħti s-setgħa liż-żgħażagħ b’diżabilità sabiex ikunu jistgħu jirnexxu.