Blue Badge

Il-Blue Badge hija dokument legali.

Il-Blue Badge tippermetti lis-sidien tagħha jipparkjaw il-vettura li jkunu qegħdin fiha f’postijiet ta’ parkeġġ komunali riservat għal dawk li għandhom Blue Badge, bid-dokument tal-Blue Badge mpoġġi b’mod prominenti mal-windscreen.

Id-dokument tal-Blue Badge jinħareġ minn Aġenzija Sapport għall-applikanti eliġibbli.

Id-dokument tal-Blue Badge huwa ġeneralment aċċettat ukoll fil-pajjiżi tal-Unjoni Ewropea kif ukoll l-Awstralja, il-Kanada, il-Ġappun, il-Korea ta’ Isfel, New Zealand, ir-Renju Unit u l-Istati Uniti.

Ħinijiet tal-Ftuħ

Applikazzjoni ġdida għall-Blue Badge:

• Formola ta’ Applikazzjoni. Din għandha tkun iffirmata mill-applikant jew mill-gwardjan legali tagħhom, skont kif applikabbli.
• Formola ta’ Ċertifikat Mediku. Din trid tiġi ffirmata, ittimbrata datata mhux iktar tard minn sena mid-data ta’ sottomissjoni.
• Ritratt tal-passaport (40mm X 30mm) wieħed (1) riċenti, bil-kulur u ta’ kwalità tajba tal-persuna b’diżabilità
• €11.50 ħlas amministrattiv. Għandu jingħata l-ammont eżatt jekk tissottometti applikazzjoni personalment. Il-karti tal-kreditu huma aċċettati. Ċekkijiet mhumiex aċċettati. Pagamenti bi flus kontanti ma jiġux aċċettati bil-posta.

Tiġdid tal-Blue Badge:

• Formola ta’ Applikazzjoni. Din għandha tkun iffirmata mill-applikant jew mill-gwardjan legali tagħhom, skont kif applikabbli.
• Formola ta’ Ċertifikat Mediku. Din trid tiġi ffirmata, ittimbrata u datata mhux iktar tard minn sena mid-data ta’ sottomissjoni.
• Ritratt tal-passaport (40mm X 30mm) wieħed (1) riċenti, bil-kulur u ta’ kwalità tajba tal-persuna b’diżabilità.

M’hemm l-ebda ħlas għall-applikazzjoni għat-tiġdid tal-Blue Badge.

​Persuni li huma intitolati għal Karta Ewropea tad-Diżabilità, maħruġa minn Aġenzija Sapport, li jużaw u/jew isuqu vettura bil-mutur fuq bażi regolari, u li għandhom:

​

• nuqqas  ta’  dawl  b’mod  permanenti  li jirriżulta  f’akutezza  viżwali  li  ma  teċċedix  6/60  fl-għajn it-tajba b’korretezza, jew b’limitu fil-qasam ta’ viżwal li huwa inqas minn angolu ta’ 20° (viżjoni ta’ mina);
• nuqqas  qawwi  fiż-żewġ  dirgħajn,  li regolarment isuqu vettura bil-mutur iżda ma jistgħux idawru  l-isteering    wheel  ta’  vettura  bil-mutur b’idejhom ukoll jekk dak l-isteering hu ffittjat b’pum;.
• nuqqas  fiżiku  permanenti  u sostanzjali  li  jirriżulta  fl-inabilità  li  jimxu  jew diffikultà kbira biex jimxu jew li bħala riżultat l-isforz ta’  mixi  jista’  jkun  ta’  periklu għal ħajjithom;.
• nuqqas  qawwi  u  permanenti  fis-saħħa mentali  u  bi  problemi  qawwija  ta’  mġiba  u  li għandhom  bżonn  l-għajnuna  u  superviżjoni  b’mod frekwenti  matul  il-jum  kif  ukoll  matul  il-lejl.

Il-kriterji ta’ eliġibilità huma speċifikati fl-Att biex jipprovdi għal Konċessjonijiet ta’ Parkeġġjar għal Persuni b’Diżabilità (Kap. 560).

Blue Badges Imkagħbrin

Blue Badges Mitlufin

Terminazzjoni

Is-sid tal-Blue Badge m’għandu qatt jagħti d-dokument lill-ħbieb jew lill-familjari biex ikunu jistgħu jibbenefikaw mill-konċessjonijiet tal-parkeġġ.

Wieħed m’għandu qatt jagħmel kopji tal-Blue Badge jew ibiddel id-dettalji fuq tali dokument.

L-ebda noti jew dokumenti temporanji ma jinħarġu waqt li applikazzjoni tkun qed tiġi pproċessata biex jintużaw minflok id-dokumenti uffiċjali.

Dawk interessati li japplikaw għall-Blue Badge jistgħu jissottomettu l-formola tal-applikazzjoni online jew iniżżlu l-applikazzjoni (inkluż il-formola taċ-Ċertifikat Mediku) u jmorru bihom personalment fl-indirizz Aġenzija Sapport, Triq Patri Ġwann Azzopardi, Santa Venera, SVR 1614.

IMLA L-APPLIKAZZJONI ONLINE AGĦFAS HAWN GĦAL KOPJA TAL-APPLIKAZZJONI

Hi responsabilità tad-detentur tal-Blue Badge li japplika sabiex iġedded id-dokument tliet (3) xhur qabel jiskadi.

Agħfas din il-ħolqa għal fuljett ta’ informazzjoni dwar il-Blue Badge u l-Gwida Tiegħek dwar Blue Badge