Family Assistance Support Scheme

Il-Family Assistance Support Team jipprovdi assistenza lil familji ta’ tfal li għandhom diżabilitajiet. L-għan primarju ta’ dan is-servizz huwa li jipprovdi għajnuna finanzjarja, f’forma ta’ sussidju, lill-familji sabiex ikunu jistgħu jimpjegaw persuna tal-għażla tagħhom. L-irwol priċipali ta’ dan l-individwu hu li jassisti fil-bżonnijiet ta’ kuljum relatati mar-rekwiżiti speċifiċi tat-tfal b’diżabilità.

Permezz ta’ din l-iskema, familji jingħataw sostenn biex ilaħħqu mal-bżonnijiet kumplessi u varji marbuta mad-diżabilitajiet. L-għan tal-assistenza li tiġi pprovduta mhix biss biex ittaffi mir-responsabilitajiet tal-kura ta’ kuljum, imma wkoll biex tgħin tfal b’diżabiità jipparteċipaw f’attivitajiet soċjali fil-komunità. Bil-promozzjoni tal-parteċipazzjoni attiva u inklussiva, l-iskema tgħin tgħin lit-tfal iħossuhom parti minn u jinkludu lilhom infushom fil-komunità.

Allinjament mal-prinċipji Internazzjonali u Nazzjonalii

Il-Family Assistance Support Scheme hi mibnija fuq il-prinċipji tal-Konvenzjoni tan-Nazzjonijiet Uniti dwar id-Drittijiet ta’ Persuni b’Diżabilità (UNCRPD), partikolarment l-Artikolu 19. Dan l-artiklu jenfasizza d-dritt tal-persuni b’diżabilità li jgħixu b’mod indipendenti u li jkunu inklużi fil-komunità. Barra minn hekk, l-iskema timxi mal-għanijiet imfissra fl-Istrateġija Nazzjonali ta’ Malta għad-Diżabilità, sabiex jiġi żgurat li dan l-approċċ jibqa’ konsistenti kemm mal-impennji internazzjonali u l-politika nazzjonali.

L-Family Assistance Support Scheme hija miftuħa għal kull familja li għandha minuri b’diżabilità, speċifikament tfal taħt il-15-il sena. Dawn il-familji, magħrufa bħala l-benefiċjarji ewlenin, jistgħu japplikaw għal fondi biex jimpjegaw assistent personali li se jappoġġja lil uliedhom f’diversi aspetti tal-ħajja ta’ kuljum.

It-tim tal-Intake jirċievi u jipproċessa l-każijiet kollha li jaslu minn servizzi prospettivi, il-familji u professjonisti oħra li jeħtieġu kwalunkwe servizz fl-Aġenzija. Il-każijiet kollha li jidħlu jiġu assessjati bir-reqqa mill-professjonisti tat-tim, li jidentifikaw liema servizz/i l-individwu jista’ jibbenifika minnu skont il-bżonnijiet, interessi u x-xewqat tal-individwu.

Wara dan l-assessjar, u ladarba tiġi stabbilita l-eliġibilità, it-tim jikkollabora mal-professjonisti mil-Family Assistance Support Team.

Il-professjonisti fit-tim jassessjaw is-sitwazzjoni kurrenti, jippreżentaw il-każ lill-Bord, u jgħinu lill-familji bix-xogħol amministrattiv meħtieġ.

Filwaqt li l-professjonisti jipprovdu appoġġ essenzjali, l-iskema tinkoraġġixxi lill-familji biex gradwalment jieħdu kontroll u jimmaniġġjaw l-arranġamenti ta’ assistenza personali proprji tagħhom. Dan jinkludi taħriġ u riżorsi biex jgħinu lill-familji jirreklutaw, jissorveljaw, u jikkoordinaw l-assistenti personali tagħhom b’mod indipendenti. L-għan huwa li tingħata s-setgħa lill-familji jimmaniġġjaw l-arranġamenti ta’ appoġġ tagħhom stess mingħajr ma jiddependu kompletament fuq professjonisti. Dan l-approċċ irawwem l-awtonomija u jiżgura li l-familji jkollhom l-għodod u l-għarfien biex jieħdu deċiżjonijiet infurmati dwar il-kura tat-tfal tagħhom.

Agħfas fuq din il-ħolqa għall-Mistoqsijiet Frekwenti (FAQs) dwar dan is-servizz

Il-proċess ta’ applikazzjoni għall-Family Assistance Support Scheme huwa strutturat biex jiżgura ċarezza u effiċjenza. Il-passi involuti huma kif ġej:

1. L-applikant jissottometti l-applikazzjoni

L-applikazzjoni inizjali hija sottomessa permezz tat-tim tal-Intake.
 

2. Riferiment għal-Family Assistance Support Team

It-tim tal-Intake jgħaddi r-riferiment lil-Family Assistance Support Team
 

3. Assenjazzjoni tal-każ

Ladarba jkun disponibbli professjonist, il-każ jiġi assenjat.
 

4. Assessjar tal-Family Assistance Support Scheme

L-assessjar bir-reqqa jsir mil-Family Assistance Support Team.
 

5. Preżentazzjoni lill-Bord

Il-każ jiġi ppreżentat quddiem il-Bord għall-rieżami.
 

6. Ħruġ tal-ittra ta’ deċiżjoni

L-ittra tad-deċiżjoni tinħareġ abbażi tar-rieżami tal-Bord.
 

7. Ftehim ta’ servizz iffirmat

Il-ftehim ta’ servizz huwa ffirmat bejn il-benefiċjarju u l-fornitur tas-servizz.
 

8. Inizjazzjoni tas-servizz

Is-servizz jibda skont il-ftehim.
 

9. Tiġdid tas-servizz

Is-servizz jiġi rieżaminat u mġedded skont il-bżonnijiet tal-benefiċjarju.