Professional Advisory Prevention Team

Il-Professional Advisory Prevention Team (PAPT) huwa tim multidixxiplinari li għandu għarfien professjonali u esperjenza ta’ diversi snin ta’ ħidma ma’ persuni b’diżabilità.

It-tim jiffoka fuq:

• Konsultazzjonijiet fuq l-indirizzar ta’ sfidi speċifiċi, partikolarment dawk relatati ma’ mġiba preokkupanti, u relazzjonijiet u sesswalità.
• Sessjonijiet ta’ taħriġ dwar kwistjonijiet fl-oqsma ta’ mġiba preokkupanti, u relazzjonijiet u sesswalità.
• Sessjonijiet individwali ma’ persuni b’diżabilità mfassla għall-bżonnijiet tagħhom rigward imġiba preokkupanti, u relazzjonijiet u sesswalità.
• Sessjonijiet ta’ informazzjoni u workshops ma’ partijiet ikkonċernati oħra li jkopru suġġetti relatati ma’ mġiba preokkupanti, relazzjonijiet u sesswalità, u kwistjonijiet relatati.

Il-PAPT huwa responsabbli li jipprovdi:

• Edukazzjoni lil persuni b’diżabilità dwar diversi suġġetti relatati mar-relazzjonijiet u s-sesswalità li tinkorpora suġġetti li jaqgħu taħt il-benesseri emozzjonali u sesswali, is-saħħa sesswali, il-ħiliet soċjali, u aspetti prattiċi tas-sesswalità.
• Taħriġ lill-impjegati ta’ Aġenzija Sapport dwar kif jiġu indirizzati kwistjonijiet delikati li jistgħu jinqalgħu mill-imġiba sesswalizzata tal-persuna li tuża s-servizz.
• Taħriġ u żvilupp professjonali kontinwu sabiex tiġi żgurata kwalità tajba tat-twassil tal-Programm ta’ Edukazzjoni dwar ir-Relazzjonijiet u s-Sesswalità lill-persuni li jużaw is-servizz.
• Sessjonijiet ta’ informazzjoni u workshops lill-persuni qrib dawk li jużaw is-servizz u partijiet ikkonċernati u entitajiet oħra.

Persuni b’diżabilità interessati fis-sessjonijiet tal-Programm dwar ir-Relazzjonijiet u s-Sesswalità jeħtieġ li jkollhom aktar minn 16-il sena.

Is-sessjonijiet jistgħu jsiru kemm bil-Malti kif ukoll bl-Ingliż mingħajr ħlas, skont il-bżonn tal-individwu.

L-Intake Team jirċievi u jipproċessa r-rikjesti kollha li jidħlu mingħand klijenti prospettivi, il-familji u professjonisti oħra li jeħtieġu kwalunkwe servizz fl-Aġenzija. Il-każijiet kollha li jidħlu jiġu assessjati bir-reqqa mill-professjonisti tal-Intake, li jidentifikaw liema servizz/i l-individwu jista’ jibbenifika minnhom skont il-bżonnijiet, interessi, u xewqat tal-individwu.

Ir-riferimenti jistgħu wkoll jintbagħtu bl-email fuq papt.sapport@gov.mt jew billi tagħmel kuntatt fuq il-Helpline ta’ Aġenzija Sapport – Freephone Servizz.gov 153 (ext. 05).