Access to Communication and Technology Unit (ACTU)

L-Access to Communication and Technology Unit (ACTU) joffri servizzi lill-individwi li għandhom bżonnijiet ta’ komunikazzjoni ta’ natura kumplessa, diffikultajiet fiżiċi u/jew sensorjali, bżonnijiet ta’ assistenza biex jitkellmu, tal-lingwa u tal-komunikazzjoni, u/jew diżabilitajiet fit-tagħlim, u lill-familji tagħhom. L-ACTU jassessja, joffri appoġġ u jagħti pariri, jagħmel rakkomandazzjonijiet għall-komunikazzjoni u t-teknoloġija, u jimplimenta interventi u taħriġ.

Dan is-servizz jingħata mill-Ispeech & Language Therapists u mill-Occupational Therapists u jiġi assistit ukoll minn Support Worker.

L-ACTU joffri żewġ servizzi:

1. Augmentative and Alternative Communication (AAC). Is-servizz tal-AAC jipprovdi sapport lil individwi li għandhom diffikultajiet ta’ komunikazzjoni ta’ natura kumplessa (Complex Communication Needs) minħabba li ma jitkellmux jew inkella ma jinftiehmux meta jitkellmu. L-għan prinċipali ta’ dan is-servizz huwa biex jassessja u jagħmel rakkomandazzjonijiet għal sistemi ta’ AAC u jagħti għajnuniet u aċċess għalihom. L-ACTU jappoġġja wkoll lill-familji u lill-professjonisti fl-implimentazzjoni ta’ kwalunkwe għajnuna għall-komunikazzjoni rakkomandata.
2. Electronic Assistive Technology (EAT). Is-servizz tal-EAT jipprovdi assessjar biex jinstabu soluzzjonijiet alternattivi sabiex persuni b’diżabilità jkunu jistgħu jaċċessaw il-kompjuter kif ukoll assessjar tal-ambjent tal-persuna.

Information Day Service

L-ACTU joffri wkoll is-servizz ta’ sessjonijiet informattivi fuq ġurnata fuq bażi perjodika għal dawk li għandhom aktar minn 16-il sena u jixtiequ jiddiskutu l-bżonnijiet ta’ AAC/EAT. Dan is-servizz huwa ideali wkoll għal dawk li mhumiex eliġibbli għas-servizz prinċipali, iżda jixtiequ pariri dwar l-istrateġiji AAC/EAT li jistgħu jaqdu l-bżonnijiet tagħhom. Din hija opportunità għal laqgħa ta’ siegħa ma’ Occupational Therapist (OT) u/jew ma’ Speech and Language Therapist (SLT) mit-tim tal-ACTU.

Eliġibilità għas-servizz tal-AAC

Għal riferimenti għal assessjar għal sistema/i AAC, il-kriterji ta’ eliġibilità għal tfal u żgħażagħ huma kif ġej:

• Tfal taħt l-età ta’ 16-il sena b’diżabilitajiet fiżiċi u/jew sensorjali, bżonnijiet kumplessI ta’ komunikazzjoni (CCN), ħtiġijiet tad-diskors, lingwa u komunikazzjoni (SLCN) u/jew diżabilitajiet fit-tagħlim, jistgħu jiġu riferuti għal dan is-servizz.
• It-tfal iridu jkunu kisbu lil hinn mill-iżvilupp tal-kawża u l-effett u jkunu kapaċi jagħmlu għażla bejn żewg stampi li jintalbu b’intenzjoni.
• Għandhom juru wkoll evidenza ta’ implimentazzjoni ta’ sistemi AAC (jistgħu jkunu ta’ teknoloġija baxxa jew teknoloġija għolja).

Eliġibilità għas-servizz tal-EAT

Tfal taħt l-età ta’ 16-il sena jistgħu jiġu referuti għall-ACTU minn professjonist jew minn membru tal-Ischool Management Team. Tfal ikunu eliġibbli għal assessjar ta’ EAT jekk jissodisfaw il-kriterji li ġejjin:

• Tfal taħt l-età ta’ 16-il sena jrid ikollhom diżabilità fiżika sinifikanti, speċjalment diżabilità fid-dirgħajn ta’ fuq li minħabba fiha, ma jkunux jistgħu jużaw kontrolli standard bħal, pereżempju, maws tal-kompjuter, tastieri, touch screens, mowbajls u/jew remote controls.
• Irid ikollhom kapaċità konjittiva biex iħaddmu tagħmir ta’ Kontroll Ambjentali (Environment Control) b’mod konsistenti.
• Iridu jkunu kapaċi juru motivazzjoni biex jużaw it-tagħmir ta’ EC.
• Jekk it-tifel/tifla jiġi/tiġi dijanjostikat(a) b’kundizzjoni varjabbli (eż. kundizzjoni newroloġika progressiva), il-kriterji msemmija hawn fuq jistgħu jiġu applikati fir-rigward tal-bżonnijiet u l-abilitajiet antiċipati tat-tifel/tifla f’perjodu ta’ żmien klinikament xieraq. Ir-riferimenti jistgħu jiġu aċċettati fuq din il-bażi.

Dawn il-kriterji ta’ esklużjoni japplikaw ukoll għas-servizz tal-EAT:

• F’sitwazzjonijiet fejn huma disponibbli u xierqa soluzzjonijiet mhux speċjalizzati għall-bżonnijiet identifikati tat-tifel/tifla eż. l-użu ta’ tastiera u maws standard, ir-riferiment għall-ACTU mhuwiex meħtieġ.

Information Day Service

L-ACTU joffri wkoll is-servizz ta’ sessjonijiet informattivi fuq ġurnata fuq bażi perjodika għal dawk li għandhom aktar minn 16-il sena u li jixtiequ jiddiskutu l-bżonnijiet ta’ AAC/EAT.

L-appuntamenti biex jiġu diskussi l-bżonnijiet ta’ AAC iridu jsiru mill-Speech and Language Therapist tal-klijent. Dan huwa importanti biex tiġi żgurata l-implimentazzjoni tal-AAC li jingħata u/jew tal-istrateġiji wara l-konsultazzjoni. Il-klijenti li diġà jagħmlu użu minn għajnuna għall-komunikazzjoni jistgħu jitolbu appuntament huma stess. L-appuntamenti għal EAT jistgħu jsiru mill-klijent stess jew mill-Occupational Therapist / Physiotherapist / Speech and Language Therapist / edukatur tiegħu.

Riferimenti għas-servizz tal-Augmentative and Alternative Communication (AAC)

Ir-riferiment għandu jsir mill-Ispeech and Language Therapist. Jekk inti edukatur li tixtieq tagħmel riferiment għal AAC, jekk jogħġbok kellem lill-Ispeech and Language Therapist tat-tifel/tifla.

Riferimenti għas-servizz tal-Electronic Assistive Technology (EAT)

Ir-riferimenti jiġu aċċettati mill-Occupational Therapist jew mill-Fiżjoterapista jew mill-Ispeech and Language Therapists tat-tifel/tifla. Membru tal-Ischool Senior Management Team jista’ wkoll jagħmel riferimenti għal EAT.

Riferimenti minn professjonisti

Professjonisti li jixtiequ jirreferu klijent jistgħu jniżżlu l-formola tal-applikazzjoni u jeħduha personalment jew jibgħatuha bil-posta fl-indirizz t’hawn taħt. Tista’ tniżżel il-linji gwida biex jgħinuk timla l-formola.

Agħfas fuq din il-ħolqa biex tniżżel kopja tal-Formola (Referral Form: Children and Young People)

Agħfas fuq din il-ħolqa biex tniżżel kopja tal-gwida (Guidelines for completing the ACTU Referral Form)

Agħfas fuq din il-ħolqa biex tniżżel kopja tal-Formola (ACTU re-Referral for previously known ACTU clients: AAC Service)

Formoli għall-Information Day Service

Dawk interessati fis-servizz tal-Information Day Service jistgħu jniżżlu l-formola tal-applikazzjoni u jeħduha personalment jew jibagħtuha bil-posta fl-indirizz t’hawn taħt:

Agħfas fuq din il-ħolqa biex tniżżel kopja tal-Formola tar-Riferiment għall-Information Day tal-ACTU – Professjonist

Agħfas fuq din il-ħolqa biex tniżżel kopja tal-Formola tar-Riferiment għall-Information Day tal-ACTU – Adult / klijenti li diġà jagħmlu użu minn ACTU

Il-ħinijiet tal-ftuħ tal-ACTU:

It-Tnejn: 08:00 – 16:00

It-Tlieta – il-Ġimgħa: 08:00 – 14:30

Is-Sibt, Il-Ħadd u l-Festi Pubbliċi: Mhux disponibbli

Indirizz: Access to Communication & Technology Unit (ACTU), Ċentru Pastorali Qalb ta’ Ġesù, Triq il-Biżantini, Qrendi QRD 1802.
Għal direzzjonijiet agħfas fuq din il-ħolqa

Għal aktar informazzjoni dwar dan is-servizz, wieħed jista’ jibgħat email fuq actu.sapport@gov.mt​ jew iċempel fuq (+356) 2165 3991 / (+356) 7713 2310.

Agħfas fuq din il-ħolqa għall-Mistoqsijiet Frekwenti (FAQs) dwar dan is-servizz

Agħfas fuq din il-ħolqa biex taċċessa l-avvenimenti u l-webinars tal-ACTU

Agħfas fuq din il-ħolqa biex taċċessa r-riżorsi tal-ACTU

Agħfas fuq din il-ħolqa biex taċċessa l-pubblikazzjonijiet tal-ACTU

BĦALISSA M’GĦANDNA L-EBDA TAĦRIĠ U WORKSHOPS ĠEJJIN