L-għan ta’ din l-iskema hu li tipprovdi sapport u għajnuna finanzjarja lil persuni b’diżabilità u l-familjari tagħhom sabiex jixtru vettura aċċessibbli għas-siġġu tar-roti skont il-bżonnijiet tagħhom.

 

Din l-iskema tagħti għotja fuq vetturi li huma strettament għas-sewqan mis-siġġu tar-roti. Dan ifisser li l-vettura għandu jkollha rampa elettrika fuq wara fejn is-sewwieq tas-siġġu tar-roti jkun jista’ jaċċessaha bis-siġġu tar-roti u jpoġġi lilu nnifsu quddiem ir-rota tal-isteering biex isuq il-vettura.

 

L-għotja mgħotija minn din l-iskema hi ta’ 20% fuq il-prezz tal-vettura mixtrija, li m’għandux jaqbeż €60,000 esklużi l-ispejjeż kollha tat-taxxi u r-reġistrazzjoni. Dan huwa sussidju ta’ darba. Dan ifisser li dawk il-vetturi li diġà bbenefikaw minn skemi bħal dawn, mhux se jerġgħu jkunu eliġibbli.

Eliġibilità

  • L-emissjonijiet tas-CO2 għandhom ikunu inqas minn 180g/km.
  • Vetturi tal-elettriku jew hybrid se jiġu kkunsidrati wkoll għal dawn l-iskemi.
  • Il-vettura tista’ tinxtara ġdida jew second-hand.
  • Il-vettura tista’ tkun jew ma tkunx reġistrata f’Malta.
  • Il-vettura għandha tkun irreġistrata biss f’Malta f’isem il-persuna b’diżabilità li qed issuq il-karozza.
  • L-applikazzjonijiet għandhom jiġu sottomessi fi żmien tliet xhur mid-data tar-reġistrazzjoni. Applikazzjonijiet li jaslu wara il-perjodu ta’ tliet xhur, jitqiesu bħala applikazzjonijiet invalidi.

 

 

Kif għandek tapplika

Dokumenti meħtieġa:

  • Kopja tal-applikazzjoni mimlija.
  • Kopja tal-Karta Ewropea tad-Diżabilità.
  • Kopja tal-Karta/i tal-Identità, flimkien mal-Karta tal-Identità tal-persuna b’diżabilità, fejn applikabbli.
  • Kopja ta’ logbook aġġornat għandha tingħata malli l-karozza tiġi rreġistrata ma’ Transport Malta.
  • Dokumentazzjoni tat-trasferiment tal-vettura (kopja tal-VEH 50/VEH 10 ta’ Transport Malta u/jew kopja tal-logbook f’isem is-sid preċedenti), fejn applikabbli.
  • Riċevuta/i tal-pagament sħiħ u/jew prova tal-pagament. Fil-każ ta’ pagament bi flus kontanti bejn il-partijiet, wieħed għandu jagħti l-ftehim tal-pagament mimli u ffirmat minn nutar.

 

Aktar informazzjoni fil-formola ta’ applikazzjoni.

Dawk interessati li japplikaw għal din l-iskema jistgħu jniżżlu l-applikazzjoni u jibgħatuha email, imorru biha personalment jew jibagħtuha bil-posta fl-indirizz ta’ hawn taħt.

 

Din l-iskema bdiet titħaddem mill-1 ta’ Ġunju 2023.


AGĦFAS HAWN GĦAL KOPJA TAL-APPLIKAZZJONI

Ħinijiet tal-ftuħ

 

Mit-Tnejn sal-Ġimgħa:  07:30 – 16:00

Is-Sibt, il-Ħadd u l-Festi Pubbliċi: Mhux disponibbli

Indirizz: Aġenzija Sapport, Triq Patri Ġwann Azzopardi, Santa Venera SVR 1614

Għal direzzjonijiet agħfas fuq din il-ħolqa

 

Għal aktar informazzjoni dwar din l-iskema, wieħed għandu jibgħat email fuq schemes.sapport@gov.mt​.

 

Skip to content