Aġenzija Sapport jiffaċilitaw workshops għal adulti li għandhom aħwa b’diżabilità.
Il-workshop jagħti l-opportunità lill-aħwa ta’ persuni b’diżabilità biex jaqsmu l-esperjenzi u l-emozzjonijiet tagħhom. L-aġenda ta’ dawn is-sessjonijiet tinkludi l-qsim ta’ informazzjoni dwar diversi suġġetti ta’ interess relatati mad-diżabilità.
L-għan ta’ dan il-workshop hu li jagħti l-ħin u l-opportunità lill-aħwa adulti biex jesprimu l-esperjenzi u s-sentimenti tagħhom, u b’hekk ikunu jistgħu jitgħallmu mill-esperjenzi ta’ xulxin. Numru ta’ suġġetti jiġu ttrattati u jiġu mistiedna wkoll kelliema speċjali biex jagħtu aktar għarfien dwar is-suġġett.
Is-suġġetti indirizzati matul dawn il-workshops jinkludu:
Dawn il-workshops huma mingħajr ħlas u jitmexxew minn professjonisti.
Dawk interessati li japplikaw għal dan il-workshop jistgħu jimlew il-formola tal-applikazzjoni b’mod elettroniku, iniżżlu l-applikazzjoni u jibgħatuha email, imorru biha personalment jew jibagħtuha bil-posta fl-indirizz ta’ hawn taħt.
L-applikazzjoni għandha tintbagħat lil:
Aġenzija Sapport, Family Support Unit, Triq Patri Ġwann Azzopardi, Santa Venera SVR 1614
Għal aktar informazzjoni dwar dan il-workshop, wieħed għandu jibgħat email fuq workshops.sapport@gov.mt, jew iċempel fuq Aġenzija Sapport Helpline fuq Freephone 153 (agħfas 5) għal aktar informazzjoni.
