Meta tingħata dijanjosi ta’ diżabilità fuq l-ulied, il-familja tgħaddi minn ħafna emozzjonijiet. Anke jekk il-bżonnijiet ta’ kull familja huma individwali, xi mistoqsijiet u emozzjonijiet huma komuni fost il-familji li għandhom tifel/tifla b’diżabilità. Għalhekk, Aġenzija Sapport toffri workshops u gruppi ta’ sostenn biex tappoġġja lil dawn il-familji.
GĦAN
L-għan ta’ dawn il-workshops hu li l-Ħaddiema Soċjali jiddiskutu suġġetti ppjanati minn qabel ta’ interess għall-ġenituri, issuġġeriti mill-ġenituri stess, segwiti minn diskussjoni miftuħa fi grupp ta’ sostenn waqt it-tieni siegħa.
Dawn il-gruppi huma mingħajr ħlas u jitmexxew minn professjonisti.
Sessjonijiet li jmiss – se jitħabbru dalwaqt!
Kif għandek tapplika
Ġenituri, nanniet, carers jew kuraturi tat-tfal b’diżabilità li għandhom inqas minn 18-il sena. Dawk li huma interessati li jattendu mhux neċessarjament ikollhom bżonn li jiġu segwiti minn Ħaddiem Soċjali minn Sapport.
Dawk interessati li japplikaw għal dan il-kors jistgħu jimlew il-formola tal-applikazzjoni b’mod elettroniku, iniżżlu l-applikazzjoni u jibgħatuha email, imorru biha personalment jew jibagħtuha bil-posta fl-indirizz ta’ hawn taħt.
AGĦFAS HAWN GĦAL KOPJA TAL-APPLIKAZZJONI
L-applikazzjoni għandha tintbagħat lil:
Aġenzija Sapport, Family Support Unit, Triq Patri Ġwann Azzopardi, Santa Venera SVR 1614
Għal aktar informazzjoni dwar dan il-kors, wieħed għandu jibgħat email fuq workshops.sapport@gov.mt, jew iċempel fuq Aġenzija Sapport Helpline fuq Freephone 153 (agħfas 5) għal aktar informazzjoni.
