Grupp ta’ Sostenn għall-Missirijiet 

Dan il-grupp ta’ sostenn għandu l-għan li jipprovdi spazju sigur u ta’ sostenn għall-missirijiet ta’ tfal b’diżabilità sabiex jaqsmu l-esperjenzi, l-isfidi u s-suċċessi tagħhom.

Nemmnu li permezz ta’ diskussjoni miftuħa u sinċiera, nistgħu nappoġġjaw lil xulxin biex nindirizzaw il-kumplessitajiet tal-paternità u l-iżvilupp personali.

Il-Grupp ta’ Sostenn għall-Missirijiet huwa differenti mill-Workshops għall-Missirijiet li wkoll qed jiġu pprovduti minn Aġenzija Sapport, peress li ma jkun hemm l-ebda programm stabbilit minn qabel. Il-programm jiġi stabbilit mill-parteċipanti stess, u jiffoka fuq il-kwistjonijiet attwali li jkunu qed jiffaċċjaw huma.

Il-Grupp ta’ Sostenn għall-Missirijiet:

• Joħloq opportunitajiet għal inkoraġġiment reċiproku, fehim u sostenn bejn il-membri tal-grupp.

• Jinkoraġġixxi diskussjonijiet miftuħa u sinċiera li jgħinu lill-parteċipanti jindirizzaw il-kumplessitajiet tal-paternità.

• Jappoġġja lill-missirijiet fit-tkabbir u l-iżvilupp personali tagħhom.

• Jinkoraġġixxi t-tagħlim permezz tal-qsim ta’ esperjenzi, perspettivi u tagħrif prattiku.

• Joffri approċċ mmexxi mill-parteċipanti, fejn id-diskussjonijiet jiġu ggwidati mill-ħtiġijiet u t-tħassib attwali tal-missirijiet.

• Jindirizza kwistjonijiet u sfidi tal-ħajja ta’ kuljum li l-parteċipanti jkunu qed jaffaċċjaw fiż-żmien ta’ kull sessjoni.

• Jibni sens ta’ komunità u konnessjoni bejn il-missirijiet permezz ta’ djalogu kontinwu u esperjenzi komuni.

Dawn il-gruppi huma b’xejn u jitmexxew minn professjonisti.